• Myat Noe Khant

Account Receivable ပြဿနာကို ဒီလိုဖြေရှင်းနိုင်ပါတယ်

Updated: Aug 4, 2020

အရင်အပါတ်က မိမိလုပ်ငန်းရဲ့ Cash flowကို ထိခိုက်စေတဲ့ Account Receivable ပြဿနာက ဘယ်လောက်ကြီးမားပြီး ဘယ်လောက်ပြန့်နှံ့နေလဲ ဆိုတာ ပြောပြခဲ့ပါတယ်။


ဒီအပါတ်မှာတော့ Account Receivable ပြဿနာဖြေရှင်းနိုင်မည့် နည်းတွေထဲကမှ ကြိုတင်ကာကွယ်နိုင်တဲ့နည်းလမ်းတွေနဲ့ Invoices တွေ ငွေအကြေမချေခင်လုပ်ဆောင်ရမယ့်အချက်တွေကို ဖော်ပြမှာဖြစ်ပါတယ်။


Unpaid invoices (Late invoices) တွေဆိုတာ ကိုယ့်ရဲ့ Customer တွေက အကြောင်းအမျိုးမျိုးကြောင့် ပေးချေရမှာတွေကို နောက်ကျနေတဲ့ အခြေအနေ ဖြစ်ပြီး ငွေမဝင်တဲ့အတွက် ပေးစရာရှိတာတွေကို ပေးနိုင်ဖို့ခက်ခဲစေတဲ့ လုပ်ငန်းရဲ့ ကျောရိုး ငွေစီးဆင်းမှုကို အနှောက့်အယှက်ပေးတဲ့ ပြဿနာပါ။


ပြဿနာမဖြစ်ခင် ကြိုတင်ကာကွယ်ခြင်းဟာ အကောင်းဆုံးပါပဲ။

ကြိုတင်ကာကွယ်နိုင်မယ့် နည်းလမ်း (၅) ချက်တွေကတော့


၁။ အကြွေးချမရောင်းခင် Client ရဲ့ payment history ကို စစ်ဆေးပါ။

Client က ကိုယ့်လုပ်ငန်းနဲ့ အလုပ်လုပ်ဖူးတယ်ဆိုရင် payment history စစ်ဆေးခြင်းအားဖြင့် အချိန်အတိအကျ ပေးတဲ့သူလား နောက်ကျမှပေးသူလား၊ မပေးဘဲကျန်တာမျိုးရှိသူလား ဆိုတာတွေ သိနိုင်ပါတယ်။

Tips – Payment history မရှိထားရင် အခုကစပြီးစုဆောင်းသင့်ပါပြီ။ အခုစပြီးစုဆောင်းရင် နောင်မှာ payment history ပေါ်လိုက်ပြီး ကုန်ကြွေးတွေချပေးနိုင်ပါတယ်။


၂။ Terms and conditions ပြည့်စုံတဲ့ contract (သို့) agreement ကို အသုံးပြုပါ။

ဘယ်နေ့ဘယ်အချိန်မှာပေးရမယ်၊ ဘယ်သူ့ကိုဆက်သွယ်ရမယ်၊ ချိုးဖောက်ရင်ဘာတွေဖြစ်နိုင်တဲ့ စတဲ့အချက်အလက်အပြင် လုပ်ငန်းနဲ့သက်ဆိုင်တဲ့ အချက်အလက်ကို ပြည့်ပြည့်စုံစုံပါရပါမယ်။

Fact - ဒီလိုမျိုး ပြည့်ပြည့်စုံစုံ ပါရှိခြင်းဖြင့် အငြင်းပွားစရာ နားလည်မှုလွဲစရာရှိတယ်ဆိုရင် နှစ်ဦးနှစ်ဖက် သဘောတူထားတဲ့ agreementရှိထားရင် လွယ်လွယ်ကူကူဖြေရှင်းနိုင်မှာပါ။


၃။ Client ဆီမှ ပစ္စည်းလက်ခံရရှိကြောင်း စာ တောင်းပါ။

ပစ္စည်းလက်ခံရရှိကြောင်း အသိအမှတ်ပြုတဲ့စာတွေ ဟာ သက်သေအထောက်အထားအဖြစ်ပဲမဟုတ်ဘဲ ရှေ့ဆက်လုပ်ရမည့် လုပ်ငန်းကိစ္စတွေကိုပါ အသိမှတ်ပြုပေးတဲ့စာတစ်ဆောင် ဖြစ်သင့်ပါတယ်။

Tips - ပစ္စည်းလက်ခံရှိတဲ့ စာရရှိတာနဲ့ ကိုယ့်ဖက်က နောက်လာမည့် အဆင့်တွေကို ရှင်းလင်းထားတဲ့ စာတစ်စောင်ကို ပြန်လည်ပေးပို့သင့်ပါတယ်။ ဥပမာ - ဘယ်နေ့ဘယ်ချိန်မှာတော့ ဘယ်လောက်ပေးရမယ်ဆိုတာတွေ ပါတဲ့ စာတစ်စောင်



၄။ Invoice အစရှိတဲ့ paperwork တွေကို အလျင်အမြန်ပေးပို့ပါ။

ယေဘုယျအရကိုယ့်ဖက်က invoice ပို့တာနောက်ကျရင် ကိုယ့် client ဖက်က invoice ကို processing လုပ်တာလည်းနောက်ကျမှာဖြစ်ပါတယ်။

Fact - စောစောပို့လေ သတ်မှတ်ထားတဲ့ အချိန်မှာ လက်ကျန်ငွေရဖို့ chance များလေဖြစ်ပါတယ်။



၅။ စရံငွေ ပမာဏတစ်ခုကို သတ်မှတ်ထားပါ။

ကုန်ပစ္စည်း (သို့) ဝန်ဆောင်မှုမပေးခင် စရံငွေ ပမာဏတောင်းခံခြင်းဟာ ငွေဝင်ငွေထွက်ပြဿနာကို အတိုင်းအတာတစ်ခုထိ ဖြေလျှော့ပေးနိုင်ပါတယ်။

ပေးစရာရှိတဲ့ ပမာဏတွေကို ခဏတာဖြေရှင်းလို့ရတာက ဒီကရရှိမယ့် စရံငွေတွေနဲ့ လှည့်ပေးထားလို့ရပါတယ်။ Tips - အဆိုးဆုံးကာလမှာတောင် ရစရာအကုန်မရနိုင်တဲ့ အခြေအနေကျရင် စရံငွေတော့ရလိုက်ပါသေးတယ် ဆိုတဲ့သဘောမျိုးဖြစ်အောင် တောင်းခံထားတဲ့ ပမာဏမှာ မပေးမဖြစ်စရိတ်တွေပါအောင် တောင်းခံဖို့အရေးကြီးပါတယ်၊၊ ဥပမာ ကုန်ပစ္စည်းရောင်းတယ့် လုပ်ငန်းတစ်ခု ဆိုပါတော့ မရောင်းခင်ပစ္စည်းဝယ်ရပါမယ်၊ အဲ့ဒီပစ္စည်းဝယ်ယူတဲ့အခါ ကုန်ကျစရိတ်တွေကို အနည်းဆုံးကာမိအောင် စရံပမာဏကို သတ်မှတ်ထားသင့်ပါတယ်။



အထက်ကကြိုတင်ကာကွယ်တဲ့အချက်(၅)ချက်ကိုလည်း ဆောင်ရွက်ပြီးပြီဆိုရင် ကုန်ကြွေးရရန်အတွက်ရော နောင် စီးပွားရေးလုပ်ရောရင်အဆင်ပြင်အောင် အောက်ပါအချက်တွေကို လည်းဆက်လက်လုပ်ဆောင်သင့်ပါတယ်။

၁။ Customer များနှင့် ဆက်သွယ်မှု ပုံမှန် ပြုလုပ်ပါ။

Customer များကိုဆက်သွယ်ဖို့ သတိပေးဖို့ အချိန်ဇယားတစ်ခုကို သတ်မှတ်ထားပြီး ထိုအချိန်တွေမှာ အတိအကျဆက်သွယ် သတိပေးသင့်ပါတယ်။

Fact - ဆက်သွယ်တဲ့အခါ payment တစ်ခုတည်းအတွက်မဟုတ်ဘဲ service and satisfactory သဘောထားဖြစ်အောင်လည်း ဆက်သွယ်မှသာ နောက်လုပ်မည့် စီးပွားရေးကိစ္စတွေ ပိုအဆင်ပြေမှာပါ။



၂။ ပြဿနာတစ်စုံတစ်ရာပေါ်ပေါက်လာပါက နှစ်ဦးနှစ်ဖက် ပြေလည်အောင် လုပ်ငန်းသဘောအရ ညှိနှိုင်းဖြေရှင်းပါ။


ပြဿနာ တွေပေါ်ပေါက်လာတိုင်း ကိုယ်ဖက်ကမှားမှား client ဖက်ကမှားမှား နှစ်ဦးလုံး အကျိုးမယုတ်အောင် professional ကျကျ ဆွေးနွေးဖို့ကိုလည်း မမေ့သင့်ပါဘူး။

Fact- လုပ်ငန်းလုပ်ရင်တော့ ပြဿနာ (အခက်အခဲ)ကတော့ ကြုံတွေ့ရမှာဖြစ်ပါတယ်။ ကြုံတွေ့လာတိုင်းမှာ လုပ်ငန်းရယ် ကိုယ်ရယ် ကိုယ့်ရဲ့ ဝန်ထမ်းတွေရယ် အဆင်ပြေအောင်၊ ကိုယ့် customer တွေလည်း စိတ်ချမ်းသာအောင် တိုင်တိုင်ပင်ပင် ညှိနှိုင်းရင် လုပ်ငန်းအတွက် အဖက်ဖက်အဆင်ပြေပါတယ်။



၃။မိမိလုပ်ငန်းအတွင်းမဖြေရှင်းနိုင်တော့လျှင် သင့်တော်သော Professional Help ရယူပါ။


အချို့သောအခြေအနေတွေက မိမိလုပ်ငန်းအတွင်း ကိုင်တွယ်ဖို့ မနိုင်တာမျိုးတွေ ဖြစ်လာနိုင်ပါတယ်။

မိမိနှင့် မိမိဝန်ထမ်းတွေရဲ့ စိတ်ကျန်းမာရေး ပုံမှန်လုပ်ငန်းဆောင်တာတွေကို ထိခိုက်လာပြီဆိုရင် ကျွမ်းကျင်ပညာရှင်တွေရဲ့အကူအညီ လိုအပ်လာပါပြီ။

Tips - လုပ်ကိုင်ရမယ့် Accounting အလုပ်အချို့ကို outsource လုပ်ခိုင်းလို့ရပါတယ်။

Fact- Outsourcing လုပ်တာဟာ Accountant ငှားရမ်းခန့်ထားတာထက်စာရင် ကုန်ကျစရိတ် သက်သာပြီး quality ပိုမိုကောင်းမွန်ပါတယ်။



ဒီလိုမျိုး ကြိုတင်ကာကွယ်နိုင်မယ့်နည်းလမ်းလေးတွေနဲ့ စောင့်ဆိုင်းကာလအတွင်းလုပ်ဆောင်သင့်တဲ့ အချက်အလက်လေးတွေကို ကျင့်သုံးရင်တော့ Unpaid Invoice ပြဿနာ တွေကိုအတိုင်းအတာတစ်ခုဖြေရှင်းနိုင်မှာဖြစ်ပါတယ်။ နောက်လာမယ့် အပတ်မှာ Common Accounting Frauds ခေါင်းစဉ်နဲ့ ဆွေးနွေးတင်ပြသွားမှာဖြစ်လို့ Matrix Solutions Business Advisory page ကို Like and Follow လုပ်ထားဖို့တိုက်တွန်းလိုက်ရပါတယ်။





68 views0 comments